• Ferramientes personales
  • Entrar / Crear cuenta
• Navegación
  • Portada
  • Proyeutos
  • Chigre (foru)
  • Llista de corréu
  • Estandarización de términos
  • Cambeos recientes
  • Páxina al debalu
  • Contauta con nós
• Ubuntu
  • Asignación de plantíes d'Ubuntu
  • Llista de corréu
• Ferramientes
  • Lo qu'enllaza equí
  • Cambeos rellacionaos
  • Xubir imaxe
  • Páxines especiales

Alderique:Ubuntu

De Softastur

Nesto de los acentos y tildes toos tenemos dalgún fallu. (Y yo póngome'l primeru... Suerte la de los escolinos qu'entamen dende neños y depréndenlo más fácil que nos, que nun pudimos). Yá que tamos traduciendo convién saber unes cosuques que siempre nos vendrán bien pa traducir respeutu a les tildes, y asina fadrémoslo bien. Siempres d'acordies cola ALLA tenemos que:

Tabla de conteníos 1 Coses que lleven tilde y coses que non 1.1 -áu, -éu, -íu 1.2 Nun/Nún 1.3 Tán/tan 1.4 Nel/Nél 2 Otres 2.1 Error=Erru 2.2 Imprentadora=Impresora 2.3 Direutoriu 2.4 Amestar y entemecer

Coses que lleven tilde y coses que non

-áu, -éu, -íu

• Acentúase toles agudes que n'asturianu terminen en -áu,-éu,-íu:

-áu: termináu, espantáu, alloriáu, instaláu/istaláu, imprentáu... (participios)

-éu: cambéu, preséu, européu, llicéu, darréu

-íu: espirríu, forníu, chillíu, escaecíu. (participios)

Nun/Nún

• "Nun" nun lleva tilde cuando ye pa dicir "non" por exemplu: "eso nun me gusta"; "nun se pudo escribir nel direutoriu"
• "Nún" lleva tilde cuando ye pa dicir "en un sitiu, o en un llugar"; "alcontrélu nún chigre"; "allugóse nún direutoriu"; "escribióse nún ficheru"

Tán/tan

(equí yo fallo muncho..)

• "Tán"- "les lletres tán repartíes en dos sílabes"; "Los papeles tán pelos caxones"
• "Tan"- "ye tan grande como esti otru" - "tan bonal como Xuan"

Recordatoriu

• toi
• tas
• ta
• tamos
• táis
• tán

Nel/Nél

nél (en + él), pero nel (en + el) Exemplos:

• "Nun pues enfotate nél" (Nun pues enfotate en él, nesi chaval)
• "Ta guardáu nel direutoriu home"; "el ficheru ta nel sitiu avezáu"

Nota: N'el nun ye correuto. Tien de ser una de les anteriores.

Otres

Error=Erru

El términu Error vien recoyíu pel diccionariu de l'ALLA, pero Erru magar que nun apaez, paez tar almitío. Nos entamos de "Normes ortogŕafiques" 6ª Edición revisada dizse[1]: "Estrincada dafechu la quinta edición de les Normes Ortográfiques (2000), l’Academia de la Llingua Asturiana imprenta esta sesta, onde s’iguó dalgún erru d’imprenta"

Imprentadora=Impresora

Recomiéndase la primera, pero son válides les dos.

Direutoriu

Non "directoriu"

Amestar y entemecer

• Amestar: en "Add/Añadir". Poner [daqué más xunto a otro pa facer un tou]. Amestó-y un cuartu a la casa. El términu Añedir nun ye correutu, o l'ALLA nun lu contempla.
• Entemecer o mecer: en "Mix/Mezclar" Axuntar [unes coses con otres de manera que formen un tou, un conxuntu]. Entemez bien l’agua y la fariña pa que nun queden gorollos. 2 Axuntase [unes coses con otres de manera que formen un tou, un conxuntu]. t. prnl. L’agua y la fariña nun entemecen si l’agua nun ta caliente.